啟德一號(2期) 示範單位

【今日我最寸】啟德定價太進取 中海：點樣先唔進取

【新增影片】啟德成一手供應重鎮，中國海外(688)繼去年8月公佈1期開價後，今日更以大幅高出去年售價22%，開賣第2期。對於是次定價態度進取，中國海外地產董事總經理游偉光表示，東九龍啟德1號2期今次定價，是結合多方面因素，包括同區地價、樓盤將來1分鐘到地鐵站及區內未來發展前景。

對於被傳媒多番追問今次定價是否太進取，他反問傳媒，「你覺得進取咩？點樣先唔進取？」傳媒再問，發展商算不算透支購買力，他叫記者睇下以前貝沙灣，當年區內配套設施也不齊，呎價只四千元，應該了解當日低價入市現時的心情。

啟德每呎地價都逾1.3萬元，連同建築成本及利息等支出，將來賣價一定好高數字。

之後又有傳媒問，2期今次係咪開高咗，游回應：「點解一定開高咗，唔係開低咗」，並強調是次以市價推盤，參考九龍站物業，不擔心承接力有問題，亦有加價空間。而今次定價，與1期第四張價單比較加幅料低於5%。項目明天開始收票，本票10萬元，最快下周開售。